ఒకపక్క ధరలు వాచిపోతుంటే, మరో పక్క బంకు దగ్గర మన కళ్ళుగప్పి దోపీడీ చేస్తున్న వైనమిది.

1)ఈ రోజే మా యూనివర్సిటీ ప్రక్కనే ఉన్న బంకు లో వంద రూపాయలకు పెట్రోలు పోయమని వంద చేతిలో పెట్టా,పెట్రోలు పోసే అమ్మాయి ముప్పయి రూపాయల వరకూ నింపి ఆగి ముప్పయిరూపాయలకే గదా అంది,కాదు వంద కదా నే చెప్పింది అనేసరికి రీడింగు ను జీరో చెయ్యకుండానే డబ్బై రూపాయలకు సెట్ చేసింది.పెట్రోలు పొయ్యడం డెబ్బై దగ్గర ఆపింది.అంటే మొత్తానికి డబ్బై వరకే పెట్రోలు నింపడం జరిగింది.పెట్రోలు బంకులలో ఎక్కువగా అనుసరిస్తున్న మోసం ఇది.
2)మరో రకం రీడింగు కు అడ్డంగా నిలబడడం,మీరు రీడింగు చూడదానికి చాలా ఇబ్బంది పడాలి.దీనిలో మా నవరత్న కంపెనీ గేటు ఎదురుగా ఉన్న పెట్రోలు బంకు వారు బహు నిష్ణాతులు.
3) కంపెనీ గేటు ఎదురుగానే ఉంది కాబట్టి మీది ఏ షిఫ్టు, చాన్నాల్ల నుండి కనబడట్లేదు లాంటి యోగక్షేమాలకు స్పందించేలోపు అక్కడ పెట్రోలు మధ్యలో ఆపేయడం,జీరో చేసేయడం రెండూ జరిగిపోతాయి.ఈ యోగక్షేమాల మత్తు లో ఇది గమనించడం చాలా కష్టం.
4)కారును బాగా ముందుకి పెట్టమనడం వెనుకా ఒక కధ ఉంది పదిహేను లీటర్లు నింపమంటే, పది లీటర్లు నెమ్మది గా కొట్టి, తర్వాత ఒక్కోపాయింటు చొప్పున టెన్ పాయింట్ ఫైవ్ వరకూ వచ్చి కారు దిగని డైవరును చూసుకో మంటారు.

అందుకే కారు దిగగలిగితే ఉత్తమం,రీడింగు మొదట్నించి చివరి వరకూ చూడగలిగితే చాలు,మీరు కనీసం రీడింగ్ దగ్గర మోసపోరు.ఇవేవి ఊహించినవి కాదు చూచినవి, చూస్తున్నవి.

కొన్ని ఆఫీసుల దగ్గర సాయంత్రం ఆరోజువి ఎలా పంచుకుంటారో, రాత్రికి పెట్రోలు బంకు దగ్గర ఏ రీడింగుకు ఎంత మిగిల్చ్చారో లెక్కలు కట్టుకోవడం మీ రెప్పుడూ గమనించలేదా!
కొసమెరుపు:పదిహేనో శతాబ్ది లో అనుకుంటాను ప్రజలను అప్రమత్తం చేద్దామనుకొని బ్లాక్ మాజిక్ పై ఒకాయన పుస్తకం వ్రాస్తే, ఆటెక్నిక్లు ను లాభ సాధనం గా చేసుకున్నవారికి కొదవ లేకుండా అయ్యిందట.

గమనించండి…ఫిబ్రవరి రాకముందునుంచే కొన్ని వ్యాపారాలు/వ్యాపార ప్రకటనలు ఊపందుకున్నాయి.
మొదట గా ప్రత్యేక ఆఫర్ల తో హోటళ్ళు,రెండవది దిన పత్రికలు,మూడవది టీవీ చానెళ్ళు ఎన్ని రకాలు గా వేలంటైన్స్ డే పేరుతో వ్యాపారాలు చేసుకోవచ్చో అన్ని రకాలుగా చేసుకుంటూ మరలా మైకు దొరికితే ఇది మనకు సంబంధం లేనిదని మనం పున్య పురుషులమేనని నమ్మబలుకుతాం.

ఈ కథ ఇప్పటిది కాదు ప్రారంభసంవత్సరాలు పందొమ్మిది వందల తొంబది మూడు నుండి మన తెలుగు ప్రముఖ పత్రికలు రెండూ మొదటగా గ్రీటింగ్స్ ఇచ్చిన వంద మందికి బహుమతులిచ్చి ప్రోత్సహించి ముందుకు తీసుకుపోతున్నాయి.(చిన్న పత్రికలను వదిలేసాను,సాక్షి అప్పటికింకా పుట్టనే లేదు కాబట్టి ఈ పత్రికకు సంబంధం లేనే లేదు).ఇక చానెళ్ళ ప్రోత్సహకాల వెల్లువ చూసి ఆనందించండి.హోటళ్ళ కు యువతను ఆకర్షించే ప్రోగ్రామ్స్ కు లెక్కే లేదు.ఇంకెంన్నో వ్యాపారాలకు ఇది ఒక అవకాశం.కాదనగలమా?
కొసమెరుపు: క్రొత్త సంవత్సరం ప్రారంభం అంటేనే గిట్టదు కొందరికి,మరి మన దగ్గరే అత్యధికంగా పొర్లిపారేది అప్పుడే,ఈ విషయంలో ఎన్నో దేశాలను మించి పోతాయి మన అమ్మకాలు.ఈ సంవత్సరం ప్రారంభ సమయం లో ఒక గంట దేనికో పొడిగిచాం కదా! ఎన్ని కిలో మీటర్లు ప్రవహించి పున్యజలాలు ఈ దేశానికి పున్య భూమి అని పేరునిచ్చాయో నాకైతే తెలియదు గాని,ఈ జలాలు పుష్కలంగా ప్రవహిస్తున్నాయి.కనీసం నిజాయితీ గా మనం మానగలిగినవి మనం మానేద్దాం !!! ఎందుకంటే చేతలు మాటల కంటే విలువైనవి.